თბილისის საქალაქო სასამართლოს მოსამართლე რომან ხორავამ ტელეკომპანია “ტვ პირველის” ჟურნალისტისა და ოპერატორის, ასევე, ტელეკომპანია “მთავარი არხის” ოპერატორის მიმართ სამსახურებრივი საქმიანობისას სიტყვიერი და ფიზიკური შეურაცხყოფის მიყენების ბრალდებით დაკავებულ 4 პირს აღკვეთის ღონისძიების სახით პატიმრობა შეუფარდა.
მოსამართლემ გადაწყვეტილების გამოტანამდე 5 ივლისს მომხდარი მოვლენები დაგმო და აღნიშნა, რომ გადაწყვეტილება საქართველოს სახელით მიიღო. მან ბრალდებულებსაც მიმართა და განაცხადა, რომ მათი ქმედებები გარდა იმისა, რომ დანაშაულია, არღვევს სახელმწიფოს სტაბილურობას და წარმოადგენს სრულ სიბნელეს.
