ამაზე ცალსახა პასუხი გვაქვს, რომ ამნისტიაზე ხელს არ მოვაწერთ, თუ ფიქრობენ, რომ ამნისტია არ უნდა მიიღონ, ძალიან კარგი,- ასე პასუხობს “ნაციონალური მოძრაობის” დეპუტატი ლევან ხაბეიშვილი უმრავლესობის წევრების განცხადებას, რომ ამნისტიის მესამე მოსმენით კენჭისყრაზე გატანას არ ჩქარობენ, რადგან მიშელის დოკუმენტზე “ნაციონალური მოძრაობის” ხელმოწერას ელოდებიან.
მისი თქმით, თუ ამ ამნისტიას არ მიიღებენ, ამით მხოლოდ საზოგადოება მოიგებს.
“ამნისტია არ სჭირდება არც სამოქალაქო ატივისტებს, არც „ნაციონალურ მოძრაობას“ და თუ ვინმეს სჭირდება ეს არის გახარია-კობახიძე-ივანიშვილი-ჩუბინიძეს და იმ კრიმინალურ დაჯგუფებას, რომელმაც თვალები დათხარა ახალგაზრდებს რუსთაველზე. ამაზე ცალსახა პასუხი გვაქვს, რომ ამნისტიაზე ხელს არ მოვაწერთ. თუ ფიქრობენ, რომ ამნისტია არ უნდა მიიღონ, ძალიან კარგი, ეს იქნება ჩვენი საზოგადოების გამარჯვება. მიშელის დოკუმენტთან დაკავშირებით ამნისტიის ნაწილში ჩვენი პოზიცია გვაქვს მკაფიოდ ჩამოყალიბებული და ვამბობთ, რომ ამნისტია არ გვჭირდება, შესაბამისად, თუ ამ ამნისტიას არ მიიღებენ, მოიგებს მხოლოდ საზოგადოება”, – განაცხადა ხაბეიშვილმა.
