პარტია „საქართველოსთვის“ თავმჯდომარე გიორგი გახარია აგრძელებს ამერიკაში შეხვედრებს. ამჯერად, გახარია სენატორ ჯიმ რიშს შეხვდა.
შეხვედრაზე საუბარი შეეხო გიორგი გახარიას და პარტია “საქართველოსთვის” მიერ განსაზღვრულ პოლიტიკურ დღის წესრიგს, რომელიც საქართველოში მტკიცე ინსტიტუციური დემოკრატიის განვითარებისთვის გასატარებელ რეფორმებს გულისხმობს.
გახარიამ სენატორთან შეხვედრისას ასევე ისაუბრა უსაფრთხოების იმ გამოწვევებზე, რომელიც საქართველოს დღის წესრიგში უდგას, როგორც ადგილობრივ ისე რეგიონულ დონეზე.
