ზუგდიდის რეფერალურ ჰოსპიტალში რვა ახალგაზრდა დაუზუსტებელი ნარკოტიკული საშუალებით ინტოქსიკაციის ნიშნებით მოათავსეს.
აქედან ორის მდგომარეობა მძიმეა და ისინი მართვით სუნთქვაზე იმყოფებიან.
როგორც ჰოსპიტალში აცხადებენ, პაციენტების ნაწილი თვითდინებით, ხოლო ნაწილი სასწრაფო სამედიცინო დახმარების სამსახურის მიერ იქნა შემოყვანილი.
“დღის განმავლობაში შოკის დარბაზში შემოყვანილია რვა პაციენტი, აქედან ორი პაციენტი თვითდინებით არის შემოყვანილი, უცნობი პირების მიერ, უგონო მდგომარეობაში. პაციენტები სასიცოცხლო ჩვენებით გადაყვანილია მართვით სუნთქვაზე. ამ პაციენტებს ჩაუტარდათ კვლევები, სათანადო დახმარება რის შემდეგაც ისინის მკურნალობას რეანიმაციულ განყოფილებაში განაგრძობენ.
დანარჩენი ექვსი პაციენტი მოყვანილია სასწრაფო სამედიცინო დახმარების მიერ. ექვსივე პაციენტს აღენიშნება ერთნაირი სიმპტომები. გაფართოებული გუგები, არიან დეზორიენტირებულები, აღენიშნებათ გულისრევა-ღებინება, არიან უმართავები. ყველა პაციენტი კონსულტირებულია ტოქსიკოლოგის მიერ. ძირითადად ეს არის დაუზუსტებელი ნარკოტიკული საშუალებების ტოქსიური ენტერტი. ასაკი 18-35 წლამდე. რეანიმაციულ განყოფილებაში მოთავსებული პაციენტების მდგომარეობა არის ჯერჯერობით მძიმე. ჯერჯერობით მათ მდგომარეობაზე ინფორმაცია არ მაქვს, რადგან გადავიდნენ სხვა რეანიმაციულ განყოფილებაში”, – განაცხადა გადაუდებელი მედიცინის განყოფილების უფროსმა მაია ესებუამ.
