“საარჩევნო კოდექსში” დღეს სესიაზე პირველი მოსმენით გადის

შარლ მიშელის დოკუმენტის ერთ-ერთი მნიშვნელოვანი პუნქტი – ცვლილებები “საარჩევნო კოდექსში” დღეს სესიაზე პირველი მოსმენით გადის.

დოკუმენტის მიხედვით, არჩევნების შემდეგ შემთხვევითი შერჩევის საფუძველზე ავტომატურად გადაითვლიან უბნების 10%-ს, იცვლება ცესკო-ს საოლქო და საუბნო კომისიების დაკომპლექტების წესიც.

უმრავლესობა თვლის, რომ ცვლილებათა პაკეტი ხელს უწყობს შემდეგი არჩევნების ლეგიტიმურობის გამჭვირვალობას და იმედოვნებენ, რომ ცვლილებებს მხარს ოპოზიციაც დაუჭერს.

“რაც კი იდენტიფიცირებული იქნა, რომ არსებობს შესაძლებლობა გაუმჯობესებისთვის რეგულაციებისა, ყველა ეს შესაძლებლობა იქნა გამოყენებული, რაზეც ერთნაირი ხედვა არსებობს.

სრულად არის ასახული ამავდროულად ე.წ. შარლ მიშელის დოკუმენტში არსებული დებულებები და ასეა რეგულირებული. მე ვფიქრობ, ასეთ პირობებში ეს ერთმნიშვნელოვნად კარგი კანონპროექტია, რომელიც იმსახურებს მხარდაჭერას, იმსახურებს იმდენად, რამდენადაც ამას შეუძლია, რომ უკეთესი საარჩევნო კანონმდებლობა გვქონდეს. ამის ხელშეშლა, მე ვფიქრობ არ არის მაინც და მაინც სწორი და საქებარი საქმე ოპოზიციისთვის,” – განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ.

მსგავსი თემები