რამდენიმეკვირიანი საძიებო-სამაშველო ოპერაციის შედეგად, სოფელ ნამოხვანში გაუჩინარებული ახალგაზრდა მამაკაცის ცხედარი იპოვეს.
როგორც უწყებაში აცხადებენ, მამაკაცის ცხედარი რიონიდან ამოასვენეს. ოჯახის წევრებმა მისი იდენტიფიცირებაც მოახდინეს და ცხედარი გადაასვენეს.
ძებნის სამუშაოებში 450 მეხანძრე-მაშველი, 4 მყვინთავი და 15 ნავი მონაწილეობდა.
შეგახსენებთ, რომ მამაკაცი მდინარე რიონში შევიდა და უკან არ გამოსულა. მას შემდეგ, ძებნის ოპერაცია მიმდინარეობდა.