დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საქართველოში ვაქცინის პირველი დოზით აცრის შემდეგ კორონავირუსით 300-მდე პირი დაინფიცირდა.
როგორც ამირან გამყრელიძემ აღნიშნა, ასეთ შემთხვევაში ინფიცირება მსუბუქად და ხშირ შემთხვევაში საერთოდ უსიმპტომოდ მიმდინარეობს.
“ჩვენ დაახლოებით 300-მდე შემთხვევა გვაქვს, როდესაც პირველი აცრის შემდეგ ადამიანები დაინფიცირდენენ. ამ ვითარებას სწავლობენ, მაგრამ ერთი აცრის შემდეგ თითქმის ყველასთან ინფექცია საკმაოდ მსუბუქად და ხშირად საერთოდ უსიმპტომოდ წავიდა,” – განაცხადა გამყრელიძემ.
