წაჩხუროს მთავრანგელოზის ეკლესია უშვილო წყვილთა შემწედ ითვლება, დღესაც იქ უამრავი ადამიანი მივიდა მოსალოცად აკვნებით.
თქმულების თანახმად, უშვილო წყვილები თუ მარტვილის მუნიციპალიტეტის სოფელ სალხინოს, წაჩხურუს მთავარანგელოზის სახელობის ტაძარს მოინახულებს, შვილი აუცილებლად ეყოლებათ.
უამრავი მორწმუნე, უშვილო ცოლ-ქმარი, ჯვარდასაწერი ქალ-ვაჟი ევედრება შვილს.
ჩვენამდე განახლებული, მე-18 საუკუნეში აგებული დარბაზული ტიპის ეკლესიაა მოღწეული. აძარში წირვა-ლოცვა მე-20 საუკუნის დასაწყისიდან აღარ აღევლინებოდა. ღვთისმსახურება აქ 90-იან წლებში აღდგა. ჭყონდიდელი მიტროპოლიტის ლოცვა-კურთხევით მამათა მონასტერი ფუნქციონირებს.
ტაძარში ბრწყინვალე შვიდეულის ხუთშაბათს (აღდგომის მეოთხე დღეს) დღესასწაული „წაჩხურობა“ აღინიშნება.
ამ დღეს წაჩხურუს მთავარანგელოზის სახელობის ეკლესიაში მოსალოცად საქართველოს სხვადასხვა კუთხიდან ჩამოდიან. ამ დღეს ტაძარში მოსალოცად, შვილოსნობის მთხოვნელი ადამიანები მოდიან. მათ თან პატარა, ლამაზად მორთული აკვნები მიაქვთ, ზოგს აკვანში თოჯინაც კი ჰყავს.