„მედიის მხრიდან უარყოფითი დამოკიდებილება რელიგიისადმი“ – პატრაირქის სააღდგომო ეპისტოლე

  •  

სრულიად საქართველოს კათოლიკოს-პატრიარქის ილია მეორეს სააღდგომო ეპისტოლე მედიის მხრიდან ეკლესიისადმი უარყოფით დამოკიდებულებასაც ეხება. როგორც პატრიარქი ბრძანებს,  ამგვარი მიდგომა კავშირშია ბოლო ჟამთან.

„ამგვარ სივრცეში საზოგადოების კლასიკური გაგება ნელ-ნელა ქრება, ხალხში დაუცველობის განცდა მატულობს და ადამიანური ფაქტორი უკანა პლანზე იწევს

ამას ემატება ზოგადად რელიგიისადმი და, კონკრეტულად საქართველოში, მართლმადიდებელი ეკლესიისადმი საზოგადოების გარკვეული ნაწილისა და ზოგიერთი მედია-საშუალების მხრიდან მკვეთრად უარყოფითი დამოკიდებულება, სიძულვილის ენით მეტყველება, ორგანიზებული სახით პიროვნული და ინსტიტუციონალური დისკრედიტაციის მცდელობის მხარდაჭერა და მათი წახალისება, რომელნიც ამ პროცესში არიან ჩართულნი.

გვახსენდება ბოლო ჟამის შესახებ მოციქულის სიტყვები: „უკანასკნელ ჟამს მოვლენ მკრეხელნი, თავიანთ უკეთურ გულისთქმათაებრ მავალნი; ესენი არიან განხეთქილების მოქმედნი, მშვინვიერნი, სულის არმქონენი… მდრტვინავნი, უკმაყოფილონი, თავიანთ გულისთქმათაებრ მავალნი, რომელთა ბაგენი მედიდურობენ და სარგებლის გამო პირფერობენ“ – ვკითხულობთ სააღდგომო ეპისტოლეში.

მსგავსი თემები