უკრაინა მზად არის რუსეთის შემოჭრისთვის – ამის შესახებ უკრაინის პრეზიდენტმა ვოლოდიმირ ზელენსკიმ დონბასში მგზავრობისას განაცხადა.
ვოლოდიმირ ზელენსკის თქმით, უკრაინაში რუსეთის შემოჭრის შესაძლებლობა საკმაოდ რეალურია და სახელმწიფო ამისთვის მზად არის.
“რა თქმა უნდა, რუსეთის ფედერაციის შესაძლო შემოჭრა საკმაოდ რეალურია. ჩვენ ეს ვიცით: 2014 წლიდან ეს შესაძლოა ყოველ დღე განხორციელდეს. რუსეთი მზად არის, თუმცა ჩვენც ვართ მზად იმიტომ, რომ ეს ჩვენი მიწა და ჩვენი ტერიტორიაა,” – განაცხადა უკრაინის პრეზიდენტმა.
