რიონის ხეობაში ამ დრომდე სამართალდამცველები არიან მობილიზებულები. როგორც შინაგან საქმეთა სამინისტროში განმარტავენ, ხეობის მიმართულებით, მოძრაობა იზღუდება.
„შინაგან საქმეთა სამინისტროს სხვადასხვა დანაყოფის თანამშრომლები,
უსაფრთხოებისა და მართლწესრიგის დაცვის მიზნით, რიონის ხეობაში არიან მობილიზებულები. უსაფრთხოების მიზნით, რიონის ხეობაში მოქალაქეთა გადაადგილება გარკვეულ მიმართულებებზე დროებით იზღუდება პოლიციის შესახებ საქართველოს კანონის 25-ე და 26-ე მუხლების შესაბამისად. შინაგან საქმეთა სამინისტრო არ დაუშვებს რიონის ხეობაში პროტესტი ძალადობრივი სცენარით განვითარდეს და მკაცრ რეაგირებას მოახდენს სამართალდარღვევის ნებისმიერ ფაქტზე’ – აცხადებენ უწყებაში.
პოლიცია მოუწოდებს მოქალაქეებს, არ გასცდნენ გამოხატვის თავისუფლების კანონით დასაშვებ ფარგლებს, დაემორჩილონ პოლიციის მოთხოვნებს.
