საკოორდინაციო საბჭოს სხდომაზე საქართველო-ესპანეთის ნაკრების საფეხბურთო მატჩზე ისაუბრეს, რომელიც თბილისში 28 მარტს გაიმართება. მიღებული გადაწყვეტილების თანახმად, მატჩზე მაყურებლის 30% დაიშვება.
საკოორდინაციო საბჭოს ოპერაციული შტაბის უფროსის გიორგი ღიბრაძის თქმით, მატჩი საღამოს 20:00 საათზე დაიწყება, შესაბამისად, ყველა პირს, რომლებიც ბილეთს შეიძენენ, გადაადგილების საშვიც ავტომატურად მიენიჭებათ.
“რაგბის მატჩი, მოგეხსენებათ, გაიმართება სამ საათზე. ფეხბურთის მატჩი დაგეგმილია 20:00 საათზე, რაც ავტომატურად ნიშნავს, რომ ის მოხვდება შეზღუდვების პერიოდში, თუმცა მიღებული გადაწყვეტილებით, ყველა გაყიდული ბილეთის გაყიდვისას ავტომატურად მფლობელს მიენიჭება გადაადგილების უფლება, რაც უზრუნველყოფს გულშემატკივართა სახლში დაბრუნებას მატჩის შემდგომ,“ – აცხადებს გიორგი ღიბრაძე.