დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე აცხადებს, რომ 25 მარტიდან დაიწყება რეგისტრაცია ვაქცინაციის დამატებით ჯგუფებზე.
“იმის გამო, რომ სამედიცინო პერსონალის აქტივობა არის ნაკლები, საბჭომ მიიღო გადაწყვეტილება 25 მარტიდან გაიხსნას რეგისტრაცია დამატებით ჯგუფებზე. ესენი გახლავთ 65 წელს ზემოთ ასაკობრივი ჯგუფები, ნებისმიერს შეუძლია დარეგისტრირდნენ და აიცრან,”-აღნიშნა ამირან გამყრელიძემ.
