ნატოს გენერალურმა მდივანმა იენს სტოლტენბერგმა საქართველოში შექმნილ პოლიტიკურ კრიზისზე კომენტირებისას ახსენა “ერთიანი ნაციონალური მოძრაობის” თავმჯდომარის, ნიკა მელიას პატიმრობის საკითხი და იმედი გამოთქვა, რომ ქვეყანა რთული ვითარებიდან გამოსავლის მოძებნას შეძლებს.
მან ხაზი გაუსვა, რომ ნატო დაფუძნებულია ისეთ ფასეულობებზე, როგორიცაა დემოკრატია და თავისუფლება, და სწორედ ამიტომ, ნატოს ყურადღების ცენტრშია ის მოვლენები, რომელიც დღეს საქართველოში ხდება.
“ნატო გახლავთ ალიანსი, რომელიც დაფუძნებულია ისეთ ძირითად ფასეულობებზე, როგორიც გახლავთ დემოკრატია და თავისუფლება, ეს არის ის ქვაკუთხედი, რომელიც საფუძვლად უდევს ალიანსს. სწორედ ამიტომ, მივესალმებით ნებისმიერ ძალისხმევას, პროგრესს, რომელიც აქვს საქართველოს დემოკრატიის გაძლიერების, რეფორმების განხორციელების, სხვადასხვა ინსტიტუტების გათანამედროვების, მართლმსაჯულების სისტემის კუთხით. ნატოს ალიანსი ამ მიმართულებებს მხარს უჭერს წლების განმავლობაში.
სწორედ ამიტომ, ალიანსისთვის ძალიან მნიშვნელოვანია ის მდგომარეობა, რაც არის საქართველოში, აგრეთვე, მთავარი ოპოზიციური პარტიის ლიდერის დაკავების საკითხი. სწორედ ამიტომ, აუცილებელია გამოსავლის პოვნა ამ რთული მდგომარეობიდან და თუ ასე იქნება, საქართველო შეძლებს განახორციელოს ის დაგეგმილი რეფორმები, რომელიც დგას დღის წესრიგში დემოკრატიულობის განვითარების კუთხით.
ჩვენ მხარდაჭერას ვუცხადებთ ქვეყანას და ეს საკითხები კიდევ ერთხელ გაჟღერდება ერთობლივი კომისიის სხდომის დროს,”-განაცხადა იენს სტოლტენბერგმა პრესკონფერენციაზე.საქართველოს პრემიერ-მინისტრთან, ირაკლი ღარიბაშვილთან შეხვედრის შემდეგ.
