„მარიხუანას მოხმარების გამო, ტოქსიკოლოგიის ცენტრში უამრავი ახალგაზრდა მიჰყავთ. მათ შორის, ძალიან ბევრი არასრულწლოვანია“ – აღნიშნული განცხადება საპარლამენტო უმრავლესობის წარმომადგენელმა, ექიმმა მირიან წიკლაურმა “მედიაცენტრ მთავარში“ გააკეთა.
დეპუტატმა ერთ-ერთი ბოლო, კონკრეტული ფაქტიც დაასახელა და აღნიშნა, რომ ამ შემთხვევაში, ბავშვები გადაარჩინეს.
„ერთ-ერთ კონკრეტულ შემთხვევას გეტყვით, ავტოფარეხში შესული იყო 6 არასრულწლოვანი და კიდევ კარგი რომ მიუსწრეს, ნარკოტიკის ზემოქმედების გამო იღუპებოდნენ. კერძოდ, კი კანაფისის ზემოქმედების გამო. ოფიციალური სტატისტიკა ჯერ-ჯერობით არ მაქვს, მაგრამ ის მონაცემები, რაც მომდის ჯანდაცვის სამინისტროდან, შსს-დან და ჩემი ახლობლებისგან მომდის, მეტყველებს, რომ მოხმარება კატასტროფულად გაზრდილია, მათ შორის, არასრულწლოვნებში 12-დან 15 წლამდე“ – განაცხადა მირიან წიკლაურმა.
მისივე შეფასებით, მარიხუანა ყველაზე მძიმედ მოქმედებს ადამიანის მდგომარეობაზე: „არ დაიჯეროთ, რომ მარიხუანა უმტკივნეულო ნარკოტიკია. ეს არის გაეროს მიერ პირველ სიაში შესული ნარკოტიკი. ეს არის ძალიან მძიმე შედეგების მომტანი, მითუმეტეს, ადრეულ ასაკში. ის იწვევს ჭკუასუსტობას, გონებაჩლუგობას სხვა ნარკოტიკებთან შედარებით“ – აღნიშნა დეპუტატმა
