შეზღუდვების ჩამონათვალი, რომელთა მოხსნაც უახლოეს მომავალში იგეგმება და რომელთა მოხსნაც არ იგეგმება

  •  

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, ჯერჯერობით ქვეყანაში ღამის საათების გაუქმება ან შემსუბუქება არ იგეგმება, რადგან ეს შეიძლება ეპიდემილოგიური თვალსაზრისით საშიში აღმოჩნდეს

“ერთ-ერთი ყველაზე წონადი ღონისძიება, რაც ჩვენ საბჭოს გადაწყვეტილებით განვახორციელეთ ნოემბერში, როდესაც დავაწესეთ ეს წერტილოვანი შეზღუდვები, იყო სწორედ ღამის საათების შეზღუდვა, მე არ დავარქმევდი ამას კომენდანტის საათს, ის უფრო მკაცრი რამაა. სწორედ ამ გადაწყვეტილების და ამ ზომის გამო შეგვიძლია ვილაპარაკოთ შემსუბუქებაზე, ეს ცალსახად ვთქვათ, რომ სხვა ქვეყნებშიც და საქართველოშიც მოგვცა პოზიტიური შედეგი. მის შემსუბუქებაზე და გაუქმებაზე გადაწყვეტილებას წინ ძალიან სერიოზული მსჯელობა უნდა უძღოდეს. არ შეიძლება, რომ ყველაფერი ერთად შევამსუბუქოდ. ჯერჯერობით ამაზე მსჯელობა არ არის”, – განაცხადა ნათია თურნავამ.

მინისტრის თქმით, შემსუბუქება პირველ რიგში საბავშვო ბაღებს, ფიტნეს კლუბებს და საქალაქთაშორისო ტრანსპორტს შეეხება.

“დარჩა ჯერ კიდევ ბიზნესები, სადაც ჯე არ შეგვიმსუბუქებია მიდგომა. ვერ გავხსენით საბავშვო ბაღები, ვერ გავხსენით ფიტნეს ინდუსტრია და სპორტული აქტივობები და ალბათ, პირველ რიგში ვიმსჯელებთ ამ სფეროებზე. საქალაქთაშორისო ტრანსპორტზე ვიმსჯელებთ. ღამის საათების შეზღუდვის შემსუბუქებას მოგვიანებით მოვიტოვებთ”, – განაცხადა ნათია თურნავამ.

მსგავსი თემები