პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილე შალვა პაპუაშვილი არასამთავრობო ორგანიზაცია “სამართლიანი არჩევნების” მიერ 29 იანვარს ჩატარებულ პრესკონფერენციას გამოეხმაურა, რომელიც უბნების 8%-ზე დისბალანსის შესახებ მათ თავდაპირველ განცხადებას ეხებოდა.
“როგორც იცით, “სამართლიანმა არჩევნებმა” ჩაატარა 31 ოქტომბრის საპარლამენტო არჩევნების პარალელური დათვლა და 1 ნოემბერს წარმოდგენილ ანგარიშში ხაზი გაუსვა ორ ძირითად მიგნებას – კერძოდ, მათ მაშინ განაცხადეს, პირველი, რომ ცესკოს მონაცემები არ ემთხვეოდა პარალელური დათვლის შედეგებს და მეორე, უბნების 8%-ში იყო მეტობით დისბალანსი, რასაც შესაძლებელია ჰქონოდა 4,1%-იანი გავლენა არჩევნების შედეგებზე.
საზოგადოებას ახსოვს, რომ სწორედ ეს ორი მიგნება გამოიყენეს ჩვენმა ოპონენტებმა არჩევნების გაყალბებასთან დაკავშირებით დეზინფორმაციის კამპანიის წარმოებისთვის. საზოგადოებას ასევე ახსოვს, რომ ჩვენ პირველივე დღეებში შევიტანეთ ეჭვი ამ მიგნების სისწორეში და მოვუწოდებდით “სამართლიან არჩევნებს”, გადაემოწმებინა ეს შედეგები.
არჩევნებიდან ერთი თვის თავზე, 11 დეკემბერს, “სამართლიანმა არჩევნებმა” აღიარა, რომ პარალელური დათვლის შედეგები იყო მცდარი, ვინაიდან მათ ხმების საერთო რაოდენობაზე მითვლილი ჰქონდათ ბათილი ბიულეტენები და დაადასტურეს, რომ ამ მონაცემების შესწორების შემდეგ პარალელური დათვლის შედეგები დაემთხვა ცესკო-ს შედეგებს. ამასთან, გაირკვა ისიც, რომ სამართლიანი არჩევნების ხელმძღვანელობამ ამ ხარვეზის შესახებ მალევე შეიტყო, თუმცა თითქმის ერთი თვე ამ ინფორმაციას არ უმჟღავნებდა საზოგადოებას.
როგორც თქვენ გახსოვთ, ჩვენ ასევე კითხვის ნიშნის ქვეშ დავაყენეთ მათი მეორე მიგნებაც, რომ თითქოს უბნების 8%-ზე იყო მეტობით დისბალანსი, რასაც შეეძლო არჩევნების შედეგებზე 4,1%-იანი გავლენა მოეხდინა. სწორედ ამ საკითხს, თითქმის სამი თვის დაგვიანებით, მიეძღვნა სამართლიანი არჩევნების 29 იანვრის პრესკონფერენცია და ამ პრესკონფერენციიდან ჩვენ გავიგეთ, რომ პირველი, მეტობით დისბალანსიანი უბნების დაანგარიშებისას „სამართლიან არჩევნებს“ არ ჰქონდა გათვალისწინებული შესწორების ოქმები, ხოლო მათი გათვალისწინების შემდეგ, მეტობით დისბალანსის მქონე უბნების რაოდენობა დაემთხვა ცესკო-ს მონაცემებს – კერძოდ, „სამართლიანი არჩევნების“ განახლებული მონაცემებით ეს იყო უბნების 0,4% და არა 8%, როგორც ისინი თავდაპირველად აცხადებდნენ, ხოლო ცესკო-ს მონაცემებით – 0,5%.
და მეორე, “სამართლიანმა არჩევნებმა” სრულად უკან წაიღო მისი თავდაპირველი განცხადება, რომ დისბალანსის შესაძლო გავლენა შედეგზე 4,1% შეიძლება ყოფილიყო.
შესაბამისად, დადასტურდა, რომ პირველ ნოემბერს „სამართლიანი არჩევნების“ მიერ გამოქვეყნებული პარალელური დათვლის ორი ძირითადი მიგნებიდან, ორივე აღმოჩნდა მცდარი, რაც, თავის მხრივ, გამოწვეული იყო პარალელური დათვლის შედეგების შეჯამების პროცესში პროფესიული სტანდარტის დარღვევით.
ამის ნაცვლად, “სამართლიანი არჩევნების” წარმომადგენლებმა გამოთქვეს მზადყოფნა, რომ შეხვდნენ ყველა დაინტერესებულ სუბიექტს და აუხსნან მათი პრეტენზიის არსი. საზოგადოებას აქვე შევახსენებთ, რომ შესწორების ოქმი არის იგივე სამართლებრივი ძალის მქონე დოკუმენტი, როგორც თავდაპირველი შემაჯამებელი ოქმი და რომ მასაც ხელს აწერენ იგივე კომისიის წევრები, მათ შორის, ოპოზიციის წარმომადგენლები.
ჩვენ, რა თქმა უნდა, მზად ვართ, შევხვდეთ “სამართლიანი არჩევნების” წარმომადგენლებს, თუმცა, ამავე დროს, მიგვაჩნია, რომ იმის გათვალისწინებით, თუ რა რეზონანსი მოჰყვა მათ თავდაპირველ მცდარ ინფორმაციას და შემდეგ მის ეტაპობრივ შესწორებას, მნიშვნელოვანია, რომ „სამართლიანმა არჩევნებმა“ განსაკუთრებულად იზრუნოს ამ საკითხის გარშემო რაც შეიძლება მეტ გამჭვირვალობაზე და ყველა ის ინფორმაცია, რომელიც მათ სურთ, რომ დახურულ შეხვედრაზე მოგვაწოდონ, ასევე გახადონ საჯარო საზოგადოებისთვის. ამით ისინი, საზოგადოების ინფორმირებასთან ერთად, ეფექტიანად შეეწინააღმდეგებიან იმ დეზინფორმაციის კამპანიას, რომელსაც დღემდე ეწევა ზოგიერთი პოლიტიკური ჯგუფი, მათ შორის “სამართლიანი არჩევნების” ანგარიშის გამოყენებით”, – განაცხადა შალვა პაპუაშვილმა.https://www.facebook.com/v3.2/plugins/like_box.php?app_id=247337649535039&channel=https%3A%2F%2Fstaticxx.facebook.com%2Fx%2Fconnect%2Fxd_arbiter%2F%3Fversion%3D46%23cb%3Df2428e513aae2bc%26domain%3Drustavi2.ge%26origin%3Dhttps%253A%252F%252Frustavi2.ge%252Ff3e82aeb35ce64%26relation%3Dparent.parent&color_scheme=light&container_width=210&header=true&height=80&href=https%3A%2F%2Fwww.facebook.com%2Frustavi2&locale=en_US&sdk=joey&show_border=false&show_faces=false&stream=false&width=210pxდღის ამბები01.02.2021 13:00ქვემო ნამახვანჰესის საპროექტო ტერიტორიაზე განთავსებულ ENKA-ს საწყობს ცეცხლი გაუჩნდა01.02.2021 12:41სავაჭრო ცენტრებში რიგები არ არის – მომხმარებლები და მაღაზიები რეგულაციებს იცავენ 01.02.2021 12:28ნათია თურნავა იმედოვნებს, რომ შეზღუდვების მოხსნის პირველი ეტაპი წარმატებით ჩაივლის 01.02.2021 12:19“მსურდა ბავშვებისთვის ზნეობრივი მაგალითი მიმეცა” – მოსწავლეებზე სავარაუდო იძულების ფაქტს შსს შეისწავლის 01.02.2021 12:18“სამართლიანმა არჩევნებმა” უნდა იზრუნოს მეტ გამჭვირვალობაზე და ყველა ინფორმაცია, რომელიც სურთ რომ დახურულ შეხვედრაზე მოგვაწოდონ, გახადონ საჯარო – შალვა პაპუაშვილიმეტი
