ნორვეგიაში Pfizer-ის ვაქცინის მიღების შემდეგ 23 ადამიანი გარდაიცვალა – ნორვეგიული მედია

  •  

ნორვეგიაში, Pfizer-ის მიერ წარმოებული კოვიდ 19-ის ვაქცინის მიღების შემდეგ, გვერდითი ეფექტებით 23 ადამიანი გარდაიცვალა – ამის შესახებ ნორვეგიის მედიკამენტების სააგენტო იტყობინება. აღნიშნული ლეტალური შემთხვევები დაუფიქსირდა იმ ადამიანებს, რომელთა ასაკიც 80 წელზე მეტი იყო და მათ იმუნიტეტი დასუსტებული ჰქონდათ. ამის შესახებ ნორვეგიის მედიკამენტების სააგენტოზე დაყრდნობით წერს RIA.

Norwaytoday-ის ცნობით, ამ ეტაპისთვის ნორვეგიის მედიკამენტების სააგენტო 13 ადამიანის გარდაცვალებას კოვიდ 19-ის საწინააღმდეგო ვაქცინის გვერდითი მოვლენებს უკავშირებს, ხოლო დანარჩენი ფატალური შემთხვევის მიზეზის დადგენა ჯერ კიდევ დამუშავების პროცესშია. გავრცელებული ინფორმაციით, დაღუპულები ხანდაზმულები და ფიზიკურად სუსტები იყვნენ.

“საერთო გვერდითმა ეფექტებმა mRNA-ვაქცინებისგან, როგორიცაა ციებცხელება და ღებინება ზოგიერთი დასუსტებული პაციენტის გარდაცვალებამდე შეიძლება მიგვიყვანოს,” – განაცხადა ნორვეგიის მედიკამენტების სააგენტოს მთავარმა ექიმმა სიგურტ ხორტემომ.

„ეს შემთხვევები საგანგაშო არ არის. აშკარაა, რომ ამ ვაქცინას გააჩნია პატარა რისკის ფაქტორი თუ საქმე ეხება ხანდაზმული ასაკის ადამიანთა ჯანმრთელობას“ – ამის შესახებ განაცხადა ნორვეგიული მედიკამენტების სააგენტოს წარმომადგენელმა სტეინარ მედსენმა.

მსგავსი თემები