დაავადებათა კონტროლისა და საზოგადოებრივი ჯანდაცვის ეროვნული ცენტრის სამეცნიერო ხელმძღვანელის, პაატა იმნაძის განცხადებით, თითქმის ყველა ვირუსული ინფექცია, რომელიც დღეს ფიქსირდება, „კოვიდ 19“-ია.
„ყველა გაციებით მიმდინარე დაავადებები და მწვავე რესპირატორულად მიმდინარე დაავადებები, დღეს რაც ფიქსირდება ქვეყანაში, მათი 90% არის კოვიდი. დარჩენილია ძალიან ცოტა ძველი კორონავირუსი, არის ცოტა რინოვირუსებიც. პრაქტიკულად, დღეს ყველა გაციება არის კოვოდი“ – განაცხადა პაატა იმნაძემ.
მისივე შეფასებით, მას შემდეგ, რაც არსებული რეგულაციები გამკაცრდება, ინფიცირებულთა არსებული ოდენობა არ შემცირდება, თუმცა, არც გაიზრდება.
შეგახსენებთ, რომ ქვეყანაში ახალი რეგულაციების დაწესების შესახებ მთავრობა გადაწვეტილებას ხვალ გამოაცხადებს.