ახალციხის საკრებულოს დეპუტატის, ამბარცუმ ბაბოიანის მანქანას ცეცხლი უკვე მეორედ გაუჩნდა. მას მანქანა შემთხვევის დროს სახლთან ჰყავდა.
“არ ვიცი ვინ იყო, მანქანას ცეცხლი ჰქონდა მოკიდებული. დავრეკე 112-ზე და პატრული და სახანძრო მოვიდა. წარმოდგენა არ მაქვს, ვინ შეიძლება იყოს, მანქანა საჯარიმოზეა გადაყვანილი, აღარ გამოდგება,” – ამბობს ამბარცუმ ბაბოიანი.
პირველად ამბარცუმ ბაბოიანის მანქანა 2017 წელს აფეთქდა. გამოძიება სისხლის სამართლის კოდექსის 187-ე მუხლის მეორე ნაწილით დაიწყო და მოგვიანებით ახალციხის საკრებულოს დეპუტატი მმართველი პარტიიდან დაზარალებულად ცნეს. ამბარცუმ ბაბოიანი ამბობს, რომ გამოძიების პასუხს ამ დრომდე ელოდება. 15 ნოემბერს მომხდარ ფაქტზე შსს-მ ამჯერად ძიება 187-ე მუხლის მე-2 ნაწილის “ა” ქვეპუნქტით დაიწყო, რაც გულისხმობს სხვისი ნივთის დაზიანებას, ან განადგურებას, ცეცხლის წაკიდებით, ან აფეთქებით, ან საყოველთაოდ საშიში საშუალებით, ისჯება თავისუფლების აღკვეთით ვადით სამიდან ხუთ წლამდე.
