დონალდ ტრამპის სარჩელების დაკმაყოფილებაზე სასამართლომ თანხმობა განაცხადა

პენსილვანიის სასამართლომ პრეზიდენტ დონალდ ტრამპის სარჩლების ნაწილი დააკმაყოფილა, რომელიც გარკვეული ბიულეტენების გაუქმებას ითვალისწინებს.

პრეზიდენტ ტრამპის ჯგუფი იმ ბიულეტენების გაუქმებას ითხოვდა, რომელთა დამოწმების ვადა 9 ნოემბრამდე იყო და პენსილვანიის შტატის სახელმწიფო მდივან ქეთრინ ბოკვარის ბრძანებით 12 ნოემბრამდე გაგრძელდა.

ამ დროისთვის არ არის ცნობილი, გაყალბებული  ბიულეტენების რა ნაწილი გაუქმდება პენსილვანიის სასამართლოს მიერ მიღებული გადაწყვეტილების შედეგად.

ამ ეტაპისთვის, პენსილვანიაში ჯო ბაიდენს 3394707 ხმა აქვს მღებული, დონალდ ტრამპს კი – 3340282.

პენსილვანიას საარჩევნო კოლეგიაში 20 ხმა აქვს და ამ შტატში არჩევნების მოგება კანდიდატს მთლიანად ქვეყანაში არჩევნების მოგების შანს აძლევს.

პენსილვანიის გარდახმების დათვლის პროცესი დასრულებულად არ ითვლება სხვა შტატებშიც. მაგალითად,  ნევადაში (6 ხმა), არიზონაში (11 ხმა), ჩრდილოეთ კაროლინაში (15 ხმა). ხმების გადათვლის შესახებ გადაწყვეტილება გამოტანილია ჯორჯიაში (16 ხმა) და დონალდ ტრამპის გუნდის მცდელობაა,  ხმები გადაითვალოს ვისკონსინში (10 ხმა) და მიჩიგანში (16 ხმა).

აღნიშნულმა რეალობამ, გამორიცხული არ არის, საბოლოო შედეგზე გავლენა მოახდინოს.

მსგავსი თემები