“მე არ ვარ კანონმორჩილი, ვარ კანონის პატივისმცემელი” – ალეკო ელისაშვილი

  •  

პარტია “მოქალაქეების” ლიდერი ალეკო ელისაშვილმა განაცხადა, რომ კორონავირუსის გავრცელების პრევენციის მიზნით მიღებულ რეგულაციას, რომლის მიხედვითაც 22 საათიდან დილის 5 საათამდე გადაადგილება იზღუდება, არ დაემორჩილება.

მისივე თქმით, ეს რეგულაცია, რეალურად, ოპოზიციის დემონსტრაციის წინააღმდეგაა მიმართული და კორონავირუსის გავრცელების პრევენციასთან კავშირი არ აქვს. 

“მე არ ვარ კანონმორჩილი, მე ვარ კანონის პატივისმცემელი კაცი. მე ჯერ უნდა ვეთანხმებოდე, ვაღიარებდე და სამართლიანად მიმაჩნდეს კანონი, რომ დავიცვა. ამ შეზღუდვას მე არ ვეთანხმები და არ დავიცავ, პირდაპირ ვამბობ, რადგან რა შუაშია კორონავირუსის პრევენციასთან, ვინმემ გამაგებინოს. ისეთივე აბსურდია, როგორიც ქუჩების მორეცხვა იყო – პაკაზუხა აღლუმები რომ მოაწყო კალაძემ, ცენტრალურ ქუჩებს რომ რეცხავდა და ვითომ განვდევნეთ კორონა. ბარემ შამანები ჩამოიყვანონ და შეალოცინონ – აბსურდი. 10 საათიდან 7 საათამდე არ იცის კორონა, თუ პირიქით, კორონას საფრთხეა ღამე. ეს არის ოპოზიციის დემონსტრაციის წინააღმდეგ მიმართული და ბოროტად იყენებენ თავიანთ ძალაუფლებას. ხალხი რომ არ აპროტესტებდეს ქუჩაში, იმიტომაა ეს რაღაცა. შესაბამისად, რასაც არ ვეთანხმები, იმას არ ვიცავ, როგორც უნდა ისე გაიგონ. ეს არის ჩემი უფლებების და დემონსტრაციის შეზღუდვა, ეს არის პოლიტიკური გადაწყვეტილება. ძალიან გული დამწყდა, რომ ყველასთვის საყვარელი ხალხი, სამი მუშკეტერი რომ დავარქვით, როგორ ლაპარაკობდნენ ან ამ შეზღუდვებზე, ან გუშინ რაც მოხდა, იმასთან დაკავშირებით,”-განაცხადა ალეკო ელისაშვილმა. 

მსგავსი თემები