ბადრი ესებუას სამართალდამცავები ამ დრომდე ეძებენ. შინაგან საქმეთა სამინისტროს მიერ გამართულ საგანგებო ბრიფინგზე აღინიშნა, რომ პირის იდენთიფიცირება დანაშაულის ჩადენის დღესვე მოხდა. საქმე ტერორიზმის ბრალდებით აღიძრა:
„პოლიციის მიერ ჩატარებული კომპლექსური საგამოძიებო-ოპერატიული და სამძებრო ღონისძიებების შედეგად, თავდასხმაში მონაწილე, იდენტიფიცირებული პირია: 1988 წელს დაბადებული ბადრი ესებუა. მის ადგილსამყოფელის დადგენისა და დაკავების მიზნით, პოლიცია სპეციალურ ოპერატიულ, საგამოძიებო და სამძებრო მოქმედებებს აქტიურად განაგრძობს.
გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა შენახვა ტარებას გულისხმობს,“ – აღნიშნა შინაგან საქმეთა მინისტრის მოადიგლემ ვლადიმერ ბორცვაძემ.