“პირბადის ტარება, დისტანციის დაცვა, ეს არის პატრიოტიზმი” – გიორგი გახარია

  •  

საარჩევნო კამპანიისას უნდა გავიკეთოთ პირბადე, ეს არის ჩვენი პასუხისმგებლობა ქვეყნის შემდგომი განვითარების წინაშე და უპასუხისმგებლო ქცევა ნიშნავს ქვეყნის განვითარების შეფერხებას, – ამის შესახებ საქართველოს პრემიერ-მინისტრმა, გიორგი გახარიამ განაცხადა.

„გამოწვევა გლობალურია, ვხედავთ, რომ მთელ მსოფლიოში ინფიცირებულების რაოდენობა იზრდება, ყველგან რეკორდულად იზრდება. მაგრამ, მიუხედავად ამისა, ჩვენ იმის პასუხისმგებლობა გვაქვს და გვესმის, როდესაც ერთად ვიკრიბებით, თუნდაც საარჩევნო კამპანიაში, რა თქმა უნდა უნდა გავიკეთოთ პირბადე, რადგან ეს არის ჩვენი პასუხისმგებლობა ჩვენი ხანდაზმულების, ჩვენი ოჯახის წევრების, ჩვენი თანამოქალაქეების წინაშე.

და რაც მთავარია, ეს არის ჩვენი პასუხისმგებლობა ჩვენი ქვეყნის შემდგომი განვითარების წინაშე, რადგან მხოლოდ ასე შეგვიძლია, გავაგრძელოთ ჩვენი აღმასვლა და უპასუხისმგებლო ქცევა ნიშნავს ქვეყნის განვითარების შეფერხებას, სხვას არაფერს“, – განაცხადა გიორგი გახარიამ წალენჯიხაში, სადაც „ქართული ოცნება – დემოკრატიული საქართველო“ აბაშის, მარტვილის, წალენჯიხისა და ჩხოროწყუს მაჟორიტარი დეპუტატობის კანდიდატს, ალექსანდრე მოწერელიას წარადგენს.

გიორგი გახარიას თქმით, მათი მთავარი ამოცანაა, „ქართულმა ოცნებამ“ სამართლიან ბრძოლაში ღირსეულად გაიმარჯვოს.

„მთავარი ამ ყველაფერში არის ის, რომ 31 ოქტომბერს ჩვენ ყველამ ერთად უნდა გავიმარჯვოთ. ეს არ იქნება მხოლოდ წალენჯიხისა და სამეგრელოს, ამ მუნიციპალიტეტის გამარჯვება, ეს მთელი ქვეყნის გამარჯვება იქნება. ჩვენ დარწმუნებული ვართ ჩვენი მოქალაქეების მხარდაჭერაში. ჩვენი მთავარი ამოცანა დღეს არის, რომ ასე, წესების დაცვით, ყველამ ერთად გავიმარჯვოთ სამართლიან და ღირსეულ ბრძოლაში, რომ არავის არ მივცეთ შესაძლებლობა, მცირედი ჩრდილი მიაყენოს ჩვენს გამარჯვებას და ყველას კარგად უნდა გვესმოდეს, რომ დღეს ელემენტარული წესების დაცვა, პირბადის ტარება, დისტანციის დაცვა, ეს არის პატრიოტიზმი. ეს არის ის, რითაც ჩვენ ვაძლევთ ჩვენს ქვეყანას შესაძლებლობას, განვითარდეს და არ იყოს არანაირი შეფერხება ამ განვითარებაში. მე დარწმუნებული ვარ და მჯერა, რომ ჩვენ ყველანი ერთად გავიმარჯვებთ, მაგრამ რაც მთავარია, გავიმარჯვებთ სამართლიან ბრძოლაში და გავიმარჯვებთ ღირსეულად“, – განაცხადა გიორგი გახარიამ.

მსგავსი თემები

2 Thoughts to ““პირბადის ტარება, დისტანციის დაცვა, ეს არის პატრიოტიზმი” – გიორგი გახარია”

  1. I think everything published was very logical. But, what about this?
    what if you added a little information? I ain’t saying your content
    is not good., however what if you added something that
    grabbed folk’s attention? I mean “პირბადის ტარება, დისტანციის
    დაცვა, ეს არის პატრიოტიზმი” –
    გიორგი გახარია is a little boring.
    You could glance at Yahoo’s front page and watch how they create article headlines to get viewers to open the
    links. You might try adding a video or a
    pic or two to grab people interested about what you’ve got to say.
    Just my opinion, it could make your website a little livelier.

  2. Heya i am for the first time here. I came across this board and I find It really useful
    & it helped me out a lot. I hope to give something back and aid others like you
    aided me.