“გუშინ ბათუმის კოვიდსასტუმროში 41 წლის ქალის გარდაცვალებასთან დაკავშირებით მოკვლევა მიმდინარეობს” – თამარ გაბუნია

  •  

“გუშინ ბათუმის კოვიდსასტუმროში 41 წლის ქალის გარდაცვალებასთან დაკავშირებით მოკვლევა მიმდინარეობს, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

მისი თქმით, პირველადი ინფორმაციით, ადგილი ჰქონდა თრომბოემბოლარულ გართულებას, თუმცა მოკვლევის შემდეგ უფრო მეტი ინფორმაცია გახდება ცნობილი.

„მედიცინაში რთულია 100-პროცენტიანი რისკების გადაზღვევა, გამონაკლისი აუცილებლად იქნება და ამისთვის არსებობს ტრენინგები, მთავარია, ზედმეტად არ გარისკონ ექიმებმა და ვისაც სტაციონარი სჭირდება, არ მოხვდეს ბინაზე. რაც შეეხება გუშინდელ შემთხვევას, პირველადი დაკვირვებით, სახეზე იყო თრომბოემბოლური გართულება, თუმცა მიმდინარეობს მოკვლევა და დეტალური სურათი მოკვლევის შემდეგ გახდება ცნობილი“, – განაცხადა თამარ გაბუნიამ.

მინისტრის მოადგილე აცხადებს, რომ კოვიდის მართვისას გამოიყენება ქართულ ბაზარზე არსებული მედიკამენტები. მისივე ქმით, სწორედ ამ მედიკამენტების გამოყენებით მოხდა პაციენტების გამოჯანმრთელება და ინფექციის წარმატებული მართვა.

„რაც შეეხება მედიკამენტების ხარისხს, ჩვენ ვიყენებთ მედიკამენტებს, რომლებიც ზოგადად ქართულ ბაზარზეა და ამ შემთხვევაში, ძალიან ძნელია ისაუბრო, როგორია რეალურად მედიკამენტის ხარისხი რომელიმე კონკრეტულ შემთხვევაში. ამ მედიკამენტებს ვიყენებთ ყველა სხვა პაციენტთან, მკურნალობის შედეგები რეალურად სახეზეა და ინფექცია წარმატებით იმართება“, – განაცხადა გაბუნიამ.

მსგავსი თემები

2 Thoughts to ““გუშინ ბათუმის კოვიდსასტუმროში 41 წლის ქალის გარდაცვალებასთან დაკავშირებით მოკვლევა მიმდინარეობს” – თამარ გაბუნია”

  1. I’m not sure why but this web site is loading extremely
    slow for me. Is anyone else having this problem or is it
    a problem on my end? I’ll check back later and see if the problem still exists.

  2. Everything is very open and very clear explanation of issues. was truly information. Your website is very useful. Thanks for sharing.