„აფხაზეთში ტესტირებულთა 30% – ზე მეტი ინფიცირებულია“ – ჯემალ გამახარია „მედიაცენტრ მთავარში“

  •  

„აფხაზეთში ვირუსთან დაკავშირებით რთული ვითარება შეიქმნა, არის დიდი ნაკლებობა ტესტების და შესაბამისად ტესტირებულთა რაოდენობა არის მცირე“, – ამის შესახებ „მედიაცენტრ მთავარში“ აფხაზეთის უმაღლესი საბჭოს თავმჯდომარემ, ჯემალ გამახარიამ განაცხადა.

გამახარიას ინფორმაციით ტესტირებულთა უმრავლესობა ინფიცირებულია, მისივე განცხადებით, ათეულობით აფხაზი მკურნალობას ქართული მხარის მიერ კონტროლირებად ტერიტორიაზე გადის:

დაინფიცირებულთა რაოდენობა იზრდება, ტესტირებულთა 30 % – ზე მეტი არის ინფიცირებული, 285 ტესტირებულიდან 100 დაინფიცირებულია, საერთო ჯამში დაავადებულთა რაოდენობამ მიაღწია 2579 – ს, გარდაცვლილია 29 ადამიანი.

მათ აქვთ გუდაუთაში ერთადერთი ჰოსპიტალი,სადაც მცირე ადგილებია და ხალხი ბედის ანაბარაა მიტოვებული , უმეტესობა სახლში არიან, აქედან გამომდინარე ცხადია რამდენად რთული ვითარებაა აფზახეთში,“ – განაცხადა ჯემალ გამახარიამ „მედიაცენტრ მთავარში.“

“მედიაცენტრ მთავარის” მასალის გამოყენების შემთხვევაში აუცილებელია ბმულის და წყაროს მითითება.

მსგავსი თემები