კორონავირუსის გავრცელების გამო, ხობში სოფლის საჯარო სკოლა დაიხურა. არსებული ინფორმაციით, ინფექცია სოფელ ქარიატას საჯარო სკოლის მიკროავტობუსის მძღოლს დაუდასტურდა.
ეპიდემიოლოგების ინფორმაციით, ამ ეტაპზე მოძიებულია 100-მდე კონტაქტი, მათ შორის მასწავლებლები და მოსწავლეები და ყველა მათგანზე თვითიზოლაციის რეკომენდაციაა გაცემული.
მძღოლს “კოვიდ-19” გეგმიური შემოწმების დროს დაუდასტურდა. მისი კონტაქტების ტესტირების პასუხები ხვალ გახდება ცნობილი.