მიხეილ სააკაშვილი დღეს საქართველოში დაბრუნების გეგმასთან დაკავშირებით განცხადებას გააკეთებს

საქართველოს მესამე პრეზიდენტი მიხეილ სააკაშვილი ქვეყანაში დაბრუნების გეგმებთან დაკავშირებით განცხადების გაკეთებას დღეს გეგმავს. აღნიშნული პოსტი სააკაშვილმა სოციალურ ქსელში გუშინ გამოაქვეყნა.

„ხვალ გავაკეთებ მიმართვას ჩემი დაბრუნების გეგმასთან დაკავშირებით“,- დაწერა სააკაშვილმა სოციალურ ქსელში გუშინ.

ცნობისთვის, რამდენიმე დღის წინ, მიხეილ სააკაშვილმა ვიდეომიმართვა გაავრცელა, სადაც ყოფილი პრეზიდენტი საზოგადოებას “ნაციონალური მოძრაობის” ხელისუფლების დროს შეცდომების გამო ბოდიშს უხდის და ამბობს, რომ საქართველოში ბრუნდება.

სააკაშვილის მიმართვას გამოეხმაურნენ მმართველ გუნდში, – “მობრძანდეს” – განაცხადა პრემიერმა.

მსგავსი თემები