გიორგი გახარია და ლევან დავითაშვილი „ერთიანი აგროპროექტის“ მხარდაჭერით შექმნილ თხილის საშრობ-სასაწყობო საწარმოში იმყოფებოდნენ

  •  

საქართველოს პრემიერ-მინისტრი გიორგი გახარია, გარემოს დაცვისა და სოფლის მეურნეობის მინისტრ ლევან დავითაშვილთან ერთად, ზუგდიდის მუნიციპალიტეტის სოფელ კოკში, თხილის საშრობ-სასაწყობო საწარმო „კოკი 2014“ -ში იმყოფებოდა, რომელიც „ერთიანი აგროპროექტის“ მხარდაჭერით შეიქმნა. ინფორმაციას პრემიერ-მინისტრის პრესსამსახური ავრცელებს.

მათივე ცნობით, პრემიერი და მინისტრი საწარმოში თხილის მიღება-ჩაბარების სრულ პროცესს გაეცნენ, რომელიც თხილის მიღებას, გარჩევას, აწონვას, გაშრობას, ლაბორატორიულ კვლევასა და დასაწყობებას მოიცავს.

თანამედროვე სტანდარტებით აღჭურვილი სასაწყობო მეურნეობა შპს „კოკი 2014“ სახელმწიფოს დახმარებით, „ერთიანი აგროპროექტის“ ფარგლებში, AgriGeorgia/Ferrero-სა და USAID-ის „საქართველოს თხილის სექტორის განვითარების პროექტის“(G-HIP) მხარდაჭერით, 2019 წელს აშენდა.

„კოკი 2014“-ის დამფუძნებლების ინფორმაციით, საწარმო ყოველწლიურად, სამეგრელოს რეგიონის დაახლოებით 300 ფერმერს ემსახურება.

საწარმოში ჯამურად 770 000 ლარის ოდენობის ინვესტიცია განხორციელდა, საიდანაც, 285 000 ლარი სახელმწიფო გრანტია.

საწარმოს საშრობის წარმოების მოცულობა 1 000 ტონა, ხოლო შენახვის – 500 ტონა თხილია. საწარმოში მუდმივად 17 ადგილობრივია დასაქმებული. პროდუქციის რეალიზაცია საექსპორტო ბაზრებზე ხორციელდება.

პრემიერ-მინისტრი და მინისტრი საწარმოს ტერიტორიაზე შეკრებილ ფერმერებს გაესაუბრნენ და მოუწოდეს, მაქსიმალურად ისარგებლონ სახელმწიფოს მხარდამჭერი პროგრამებით, რათა კიდევ უფრო განავითარონ თავიანთი მეურნეობა და ხელი შეუწყონ როგორც საკუთარი ოჯახების კეთილდღეობას, ასევე გახდნენ დამსაქმებლები.

საწარმოში გიორგი გახარიასა და ლევან დავითაშვილთან ერთად მაჟორიტარი დეპუტატები, მერაბ ქვარაია და ედიშერ თოლორაია და აშშ-ის საერთაშორისო განვითარების სააგენტოს USAID/საქართველოს ეკონომიკური ზრდის ოფისის ხელმძღვანელი მარიკა ოლსონი იმყოფებოდნენ.

მსგავსი თემები

3 Thoughts to “გიორგი გახარია და ლევან დავითაშვილი „ერთიანი აგროპროექტის“ მხარდაჭერით შექმნილ თხილის საშრობ-სასაწყობო საწარმოში იმყოფებოდნენ”

  1. Good info. Lucky me I found your site by chance (stumbleupon).
    I have bookmarked it for later!

  2. Heya this is kind of of off topic but I was wondering if blogs
    use WYSIWYG editors or if you have to manually code with HTML.
    I’m starting a blog soon but have no coding expertise so I wanted to get advice
    from someone with experience. Any help would be greatly appreciated!

  3. I love it when people come together and share opinions, great blog, keep it up.