სამდღიანი საძიებო სამუშაოების შემდეგ, მეხანძრე-მაშველებმა ფოთში გაუჩინარებული ახალგაზრდა გოგოს ცხედარი მდინარე რიონში იპოვეს.შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, მდინარე რიონში დაკარგული გოგონას საძიებო სამუშაოები 24 საათიან რეჟიმში მიმდინარეობდა. ადგილზე მობილიზებული იყო 46 მეხანძრე-მაშველი, 4 მყვინთავი, 4 ნავი და 1 ექოლოტი, რომელიც ფსკერის სკანირებას ახდენდა.საძიებო სამუშაოებში, ასევე, ჩართული იყო სანაპირო დაცვის და ჰიდროგრაფიული ექოლოტი. ხეობის დათვალიერება დრონის მეშვეობით მიმდინარეობდა.„შინაგან საქმეთა სამინისტროს გადაუდებელი დახმარების ოპერატიული მართვის ცენტრ “112”-ში 4 აგვისტოს, ღამით შემოვიდა შეტყობინება, რომ ახალგაზრდა გოგო ხიდიდან გადახტა. შეტყობინების მიღებიდან უმოკლეს დროში ადგილზე გამოცხადდა ყველა შესაბამისი სამსახური და დაიწყო აქტიური საძიებო სამუშაოები. შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს“, – აცხადებენ საგანგებო სიტუაციების მართვის სამსახურში.
მსგავსი თემები
-
,,ქალები ვირჩევთ ევროპას” – 20 აპრილს, ქალთა მოძრაობა მთელ საქართველოში მარშს გამართავს
20 აპრილს, 19 საათზე, ქალთა მოძრაობა მთელი ქვეყნის მასშტაბით აქციას გამართავს. მონაწილეები თბილისში რესპუბლიკის მოედანზე შეიკრიბებიან.... -
,,არა რუსულ კანონს!” – ლონდონში მცხოვრებმა ქართველებმა მორიგი საპროტესტო აქცია გამართეს
ლონდონში მცხოვრები ქართველები ეწინააღმდეგებიან ,,ქართული ოცნების” მიერ “რუსული კანონის” ხელახლა ინიცირებასა და მიღებას. საელჩოსთან შეკრებილმა მოქალაქეებმა... -
ახალგაზრდული აქცია გრძელდება
ახალგაზრდების აქცია რუსთავების გამზირიდან იუსტიციის სახლისკენ მსვლელობით გაგრძელდა. აქციის მონაწილეები „უცხოური გავლენის გამჭვირვალობის შესახებ“ კანონპროექტის წინააღმდეგ გამოდიამ...