გაერთიანებულ სამეფოში ცხოველის კორონავირუსით ინფიცირების პირველი შემთხვევა დაფიქსირდა.
გაერთიანებულ სამეფოში კატას კორონავირუსი დაუდასტურდა. ეს დიდ ბრიტანეთში ცხოველის ინფიცირების პირველი შემთხვევაა. ინფორმაციას „გარდიანი“ ავრცელებს.
ვარაუდობენ, რომ შინაური ცხოველი პატრონისგან დაინფიცირდა. ოჯახის ყველა წევრი, სადაც კატა ცხოვრობს, კორონავირუსისგან უკვე განიკურნა.
