19 ივნისის საბედისწერო ღამეს მომხდარ ფაქტთან დაკავშირებით შინაგან საქმეთა სამინისტროში მოწმეთა გამოკითხვა გრძელდება. იუბილარი ანა გაბეჩავა, რომლის დაბადების დღეზეც დაიწყო კონფლიქტი, სამართალდამცველთა კითხვებს თითქმის 6 საათის განმავლობაში პასუხობდა. მან შსს-ს შენობა რამდენიმე წუთის უკან დატოვა.
თავად გაბეჩავას ჟურნალისტებთან კომენტარი არ გაუკეთებია. მისმა ადვოკატმა კი აღნიშნა, რომ კითხვები მხოლოდ სოციალურ ქსელებში მიმოწერას ეხებოდა.
„დამატებითი გამოკითხვა არ ჩატარებულა. ჩატარდა სოციალურ ქსელის შემოწმება-დათვალიერება თავიდან ბოლომდე, გამოძიების ინტერესებიდან გამომდინარე. სხვა კითხვები გამოძიებას არ ჰქონია. გამოძიების ინტერესებიდან გამომდინარე, სხვა ვერაფერს გეტყვით. მიმოწერის დეტალებზე ვერ ვისაუბრებ. 6 საათის განმავლობაში მხოლოდ სოციალური ქსელების დათვალიერება მომდინარეობდა“- განაცხადა ლიკა ბითაძემ.
