ხინკალი, პელმენი, სოსისი – კვების პროდუქტების გაყალბებისთვის ბიზნესოპერატორები დააჯარიმეს  

სურსათის ეროვნული სააგენტო  ნახევარფაბრიკატებს 60 ნიმუში შეამოწმა. დარღვევები აღმოჩნდა როგორს საბავშვო სოსისში, ისე, პელმენებსა და ხინკლებში.

როგორც „მედიაცენტრ მთავარს“  სურსათის ეროვნული სააგენტოდან აცნობეს, „სააგენტოს ინსპექტირების ჯგუფებმა მთელი ქვეყნის მასშტაბით, სხვადასხვა სავაჭრო ობიექტიდან,  40 ნიმუში (ცხენის/ვირის ხორცის იდენტიფიცირებისთვის – 20 ნიმუში; ფრინველის ხორცის იდენტიფიცირებისთვის – 20 ნიმუში) აიღეს და აკრედიტებულ ლაბორატორიაში (,,ხარისხის ლაბორატორია – LLC  Quality Lab”)  გამოიკვლიეს.

რაც შეეხება კვლევის შედეგს, შემდეგია: „ხორცის სახეობრივი კვლევის შედეგად  9 ნიმუშში აღმოჩნდა ფრინველის ხორცი, თუმცა ეტიკეტზე აღნიშნულის შესახებ მითითებული არ იყო. სახეობრივი კვლევა ჩატარდა ცხენის/ვირის ხორცზეც, შედეგად, არცერთ შემთხვევაში დარღვევა არ გამოვლენილა. სურსათის ეროვნულმა სააგენტომ გაატარა კანონმდებლობით გათვალისწინებული ღონისძიებები, ბიზნესოპერატორები დაჯარიმდნენ და დაევალათ სურსათის ბაზრიდან გამოთხოვა“.

ნახევარფაბრიკატები, რომლებშიც ეტიკეტზე მითითებული ინფორმაცია შემცველობას არ შეესაბამებოდა: შპს თავადური 2014″   –  „კატლეტი გაყინული“; „გუფთა გაყინული“; შპს “ექსტრა მითი“ – „სოსისი საბავშვო“;შპს „ხორცპროდუქტების ქარხანა ვაკე“ – „სოსისი საქონლის ვაკე“;შპს „ოს გრუპი”  – „პილმენი გაყინული“; შპს ნიკორა  – „ხინკალი სამეფო“;  „სოსისი ივერია“; შპს ფასანაური 2010  – „ფარში ძროხისა და ღორის ხორცის“; შპს ხახაბო  –  „გაყინული ხინკალი“.

სახეობრივი კვლევისთვის ნიმუშების აღების მიზნით, სურსათის ეროვნული სააგენტო სახელმწიფო კონტროლს აგრძელებს.

მსგავსი თემები