ქართული ხალხური სიმღერისა და საკრავების სახელმწიფო მუზეუმი და საქველმოქმედო ფონდი „ქართული გალობა“ უნიკალურ პროექტს ახორციელებს. გამოიცემა კატალოგი, რომელშიც მუზეუმში დაცული 300-მდე საკრავის ისტორია და ფოტომასალა შევა.
კატალოგის ორ ენაზე გამოცემა მიმდინარე წელს იგეგმება.
როგორც მედიაცენტრ “მთავარს” ფონდ “ქართულ გალობაში” განუცხადეს, წიგნი ხელმისაწვდომი იქნება მუსიკალური საკრავების მიმართულებით მსოფლიოს წამყვანი მუზეუმებისა და უნივერსიტეტების ბიბლიოთეკებში.