ოკუპირებულ აფხაზეთში კორონავირუსის კიდევ ერთი შემთხვევა დაფიქსირდა. ინფორმაციას ამის შესახებ ვირუსთან ბრძოლის მიზნით შექმნილი ადგილობრივი შტაბი ავრცელებს.
მათი ინფორმაციით, დღის განმავლობაში კორონავირუსზე 23 ადამიანი გამოიკვლიეს, დადებითი პასუხი მხოლოდ ერთ მათგანს – კურსანტს აღმოაჩნდა, რომელსაც უახლოეს საათებში გუდაუთის საავადმყოფოში გადაიყვანენ.
საერთო ჯამში კორონავირუსი ოკუპირებულ აფხაზეთში 37 ადამიანს დაუდასტურდა, 27 გამოჯამრთელდა, 1 კი გარდაიცვალა.
