ადგილობრივი მედიის ინფორმაციით, აზერბაიჯანში „კოვიდ-19“-ის გავრცელების პრევენციის მიზნით დაწესებული კარანტინის რეჟიმი პირველ ივლისამდე გახანგრძლივდა.
მთავრობამ შესაბამისი გადაწყვეტილება ქვეყანაში არსებული ეპიდემიოლოგიური მდგომარეობის გათვალისწინებით მიიღო.
აზერბაიჯანში ბოლო დღე-ღამეში კორონავირუსის 315 ახალი შემთხვევა გამოვლინდა, გარდაიცვალა ხუთი პაციენტი. ბოლო მონაცემებით, აზერბაიჯანში ვირუსის გავრცელებიდან დღემდე „კოვიდ-19“-ის 8 191 შემთხვევაა გამოვლენილი, გარდაცვლილია 98 ადამიანი.