ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ კორონავირუსის გავრცელებასთან დაკავშირებით სიტუაცია ევროპაში უმჯობესდება, თუმცა გლობალურ დონეზე უარესდება.
„ჯანდაცვის მსოფლიო ორგანიზაციამ მსოფლიოში კორონავირუსით ინფიცირების 7 მილიონ შემთხვევაზე მიიღო ინფორმაცია. თითქმის 400 ათასი ადამიანი გარდაიცვალა. მიუხედავად იმისა, რომ ევროპაში სიტუაცია უმჯობესდება, კორონავირუსის გავრცელებასთან დაკავშირებით სიტუაცია გლობალურ დონეზე უარესდება“, – განაცხადა ჯანმოს გენერალურმა დირექტორმა.