ინტერპრეტაციების თემა იყო და მკითხეს, რას იზამთ, თეა წულუკიანს დატოვებთო? ვუპასუხე, კიარ დავტოვებ, დავაწინაურებ-მეთქი. თეა წულუკიანს აქვს ყველანაირი რესურსი, რათა დაწინაურდეს ქვეყნის შიგნით და ქვეყნის გარეთაც,- ამის შესახებ საქართველოს პრემიერ-მინისტრმა გიორგი გახარიამ ჟურნალისტებს განუცხადა.
მისივე თქმით, თეა წულუკიანს ურთულესი სამინისტროს მართვის უდიდესი გამოცდილება აქვს.
მთავრობის მეთაური მიიჩნევს, რომ წულუკიანი ეფექტურად მართავდა და მართავდა იუსტიციის სამინისტროს.
„ქალბატონ თეასთან დაკავშირებითაც ზუსტად იგივე შემთხვევა იყო, რაღაცა ალოგიკურ უშინაარსო, ნუ რაღაც მიზან-შედეგობრივ კავშირს ხომ უნდა ვიცავდეთ, როცა რაღაცას საუბრობთ პოლიტიკოსები. რაღაცაზე მკითხეს, რომ ეს თქვენ გვერდზე გიზითო, რაღაც ინტერპრეტაციების თემა იყო და რას იზამთ, მას დატოვებთო? ხოდა კი არ დავტოვებ, დავაწინაურებ-მეთქი. ქალბატონ თეა წულუკიანს აქვს ყველანაირი რესურსი იმისთვის, რომ დაწინაურდეს კიდევაც ქვეყნის შიგნით და ქვეყნის გარეთაც.
მას აქვს უდიდესი გამოცდილება, უდიდესი გამოცდილება ურთულესი სამინისტროს მართვის და ის ეფექტურად მართავდა და მართავს იუსტიციის სამინისტროს. არ დაგავიწყდეთ, რომ იუსტიციის სამინისტროს, სულ ცოტა ერთ წელზე მეტი ხნის წინ პენიტენციური სისტემაც მიუერთდა. ქალბატონი თეა ამ სისტემასაც ართმევს თავს ძალიან კარგად და ეფექტურად. ამიტომ, შემდგომში მის კარიერულ ზრდაში მე დარწმუნებული ვარ“,- განაცხადა გიორგი გახარიამ.
