ევროპაში მცხოვრებ ქართველებს, რომლებსაც პირად ობის დამადასტურებელი მოწმობის აღება ან შეცვლა სჭირდებათ, დაბადების ადგილად სსრკ-ს ან რუსეთს უფიქსირებენ. დაბადების ადგილი: თბილისი – სსრკ ან თბილისი – რუსეთი – ეს სწორედ ის ჩანაწერია, რომელიც არაერთ ქვეყანაში, მათ შორის, საფრანგეთში გაცემულ პირადობის დამადასტურებელ დოკუმენტებში ფიქსირდება.
აღნიშნულის დამადასტურებელი დოკუმენტები ემიგრანტებმა „რუსთავი 2“-ს მიაწოდეს. როგორც ემიგრანტები აცხადებენ, როცა მათ აღნიშნულის გარკვევა სცადეს, პასუხად მიიღეს, რომ ვერაფერი შეიცვლება, რადგან სისტემა თბილისთან ერთად სსრკ-ს და რუსეთს აფიქსირებს.
ემიგრანტების განცხადებით, საფრანგეთში ეს პრობლემა მასიურია და თითქმის ყველა ემიგრანტს დაბადების ადგილად რუსეთი და სსრკ უწერია.