ქუთაისის ინფექციურ საავადმყოფოს დღეს ახალი კორონავირუსისგან გამოჯანმრთელებული კიდევ სამი პაციენტი დატოვებს.
ამასთან, კლინიკაში კოვიდინფიცირებულთა რაოდენობა არ გაზრდილა. „კოვიდ-19“-ის დიაგნოზით აღნიშნულ სამედიცინო დაწესებულებაში 19 პაციენტი იმყოფება, სამის გაწერის შემდეგ კი, 16 დარჩება.
კლინიკაში ახალ კორონავირუსზე დღეს ერთ პაციენტს გამოიკვლევენ, რომელმაც საავადმყოფოს თავად მიმართა.
