რესპუბლიკურ საავადმყოფოში კორონავირუსი დაუდასტურდა პაციენტს, რომელიც თბილისის ინფექციურ საავადმყოფოში მოთავსებული სასულიერო პირის ოჯახის წევრია.
კლინიკის დირექტორის, ლევან გოფოძის განცხადებით, ინფიცირებული რესპუბლიკურიდან სწორედ ინფექციურში გადაიყვანეს, ვინაიდან მისი ოჯახის წევრი იქ მკურნალობს.
„სასულიერო პირი ჩვენთან არ შემოსულა. მე როგორც ვიცი, ის თავიდანვე ინფექციურ საავადმყოფოში იყო. ჩვენთან მოხვდა მისი ოჯახის წევრი, რომლის ტესტირების შემდგომაც აღმოჩნდა, რომ დადებითია კოვიდ ინფექცია და გუშინ სწორედ ამ ადამიანის გადაყვანა მოხდა ინფექციურ საავადმყოფოში, რადგან ბუნებრივია, ოჯახის წევრია იქ“ , – განაცხადა ლევან გოფოძემ.
შეგახსენებთ, დილით ინფექციური საავადმყოფოს სამედიცინო დირექტორმა მარინა ეზუგბაიამ განაცხადა, რომ მათ ცენტრში მყოფ სასულიერო პირს კორონავირუსი არ დაუდასტურდა და შესაძლოა, მან კლინიკა დღეს დატოვოს.
ამასთან, ცნობილია, რომ კორონავირუსი ერთ სასულიერო პირს აქვს დადასტურებული. ის ბოჭორიშვილის სახელობის კლინიკაში იმყოფება.
