ირანში კორონავირუსით ბოლო ერთ დღეში 122 ადამიანი დაიღუპა. ინფორმაციას ირანული მედია, ქვეყნის ჯანდაცვის სამინისტროზე დაყრდნობით ავრცელებს.
ირანის ჯანდაცვის უწყების საზოგადოებასთან ურთიერთობების სამსახურის უფროსის, კიანუშ ჯაჰანპურის განცხადებით, ქვეყანაში კორონავირუსით დაღუპულების რაოდენობა 4 232-მდე გაიზარდა.
ირანული მედია წერს, რომ ბოლო ერთ დღეში ქვეყანაში კორონავირუსით დაინფიცირების 1 972 ახალი შემთხვევა გამოვლინდა. 10 აპრილის მონაცემებით, ირანში სულ 68 192 ადამიანი დაინფიცირდა, 35 465 კი უკვე გამოჯანმრთელდა.
