თბილისის ინფექციური საავადმყოფოს დირექტორი თენგიზ ცერცვაძე არ გამორიცხავს, რომ მომავალში კორონავირუსმა სეზონური ინფექციის სახე მიიღოს.
თუმცა, ცერცვაძის თქმით, ახალი ტიპის კორონავირუსი მხოლოდ სამი თვეა, რაც არსებობს და შესაბამისად, მისი ბუნება ჯერ არავინ იცის.
„10%-ია ევროპის ქვეყნებში სიკვდილობა და საშუალოდ მსოფლიოში 5%. გრიპის სიკვდილობა იყო 0,5% და აქ 10%-ია სიკვდილობა. შესაძლოა, ეს გადავიტანოთ, მოსახლეობის დიდმა ნაწილმა შეიძინოს იმუნიტეტი ამის წინააღმდეგ და მომავალში მოგვევლინოს, როგორც სეზონური ინფექცია. შესაძლებელია, მაგრამ ეს ინფექცია სულ რაღაც სამი თვეა, არსებობს და არავინ იცის, ასე იქნება, თუ არა“ , – განაცხადა ცერცვაძემ.
