თბილისის მერის, კახი კალაძის განცხადებით, მუნიციპალური ტრანსპორტის მძღოლები სახელფასო ანაზღაურებას ჩვეულებრივად მიიღებენ.
“ისინი ჩვენი თანამშრომლები არიან და ჩვეულებრივ, თავის სახელფასო ანაზღაურებას მიიღებენ,” – აღნიშნა კალაძემ.
კორონავირუსის გავრცელების საპრევენციო ღონისძიებების ფარგლებში დღეიდან სრულიად აიკრძალა ნებისმიერი ტიპის საზოგადოებრივი ტრანსპორტით გადაადგილება, როგორც ქალაქებსა და მუნიციპალიტეტების შიგნით, ასევე ქალაქებს შორის. ამასთან, სრულად აიკრძალა თბილისის მეტროთი გადაადგილება.