„შევედით პრეკრიზისულ ფაზაში ეს გაგრძელდება დაახლოებით ერთი ორი კვირა, ამიტომ ყველაზე მეტად გვჭირდება პასუხიმგებლობა“ – ამის შესახებ ჯანდაცვის კომიტეტის თავმჯდომარემ დიმიტრი ხუნდაძემ საკოორდინაციო საბჭოს შეკრების წინ განაცხადა.
ხუნდაძე მოსახლეობას პასუხისმგებლობის გამოჩენისკენ მოუწოდებს და აღნიშნავს, რომ მდგომარეობის შემსუბუქება ჯერ არ მოხდება.
„შეზღუდვების გამკაცრება დამოკიდებულია საზოგადოების ქცევასა და ეპიდემიის სტატუსზე. შემსუბუქება ჯერ არ იქნება, შესაძლოა გამკაცრდეს კონტროლი და რეგულაციები, ასევე დღეს გვექნება ტესტები და ოთხ ეტაპად დაიყოფა შემოწმება.“ – განაცხადა ხუნდაძემ.
