დედამიწის ყველაზე ცივ, ქარიან და მშრალ კონტინენტზე, ანტარქტიდაზე, ტემპერატურამ რეკორდულად მაღალ ნიშნულს მიაღწია. მკვლევართა განცხადებით, ეს ფაქტი კიდევ ერთხელ უსვამს ხაზს გლობალური დათბობის ტენდენციას.
ანტარქტიდის ნახევარკუნძულის ჩრდილოეთ წვერზე მდებარე არგენტინულ კვლევით სადგურ „ესპერანსაზე“ ტემპერატურამ +18,2 გრადუს ცელსიუსს მიაღწია, რითაც მოიხსნა წინა რეკორდი — 2015 წლის მარტში დაფიქსირებული 17,5 გრადუსი. არგენტინის მეტეოროლოგიური სამსახურის ეს სადგური ტემპერატურის ჩაწერას 1961 წლიდან ახორციელებს.
მსოფლიო მეტეოროლოგიური ორგანიზაციის განცხადებით, ტემპერატურას თავიანთ არქივში ისინიც გადაამოწმებენ, თუმცა აღნიშნავს, რომ საქმე აშკარად რეკორდთან გვაქვს.
