იაშვილის კლინიკაში აცხადებენ, რომ ვირუსული ინფექციებით დაავადებულ პაციენტთა მიმართვიანობა გაზრდილია
იაშვილის საავადმყოფოს პედიატრმა, თამარ არახამიამ განაცხადა, რომ მიმართვიანობის ძირითადი მიზეზი ვირუსული ინფექციაა.
„ჩვენი კლინიკის მონაცემებით, კვირიდან კვირამდე მომართვიანობის თვალსაზრისით არის მზარდი ტენდენცია. მომართვიანობის ძირითადი მიზეზი ბოლო პერიოდში არის ვირუსული ინფექცია, არის დადასტურებული შემთხვევები ძირითადად ,,ბე” ტიპის ვირუსული ინფექციისა, რომელსაც ახასიათებს შემდეგი სიმპტომატიკა: ეს არის ჰექტიური ცხელება, ანუ მაღალი სიცხე, კატარალური მოვლენები, ანუ ნინორეა, ყელის ტკივილი, კუნთების ტკივილი. აღნიშნული სიმპტომატიკით თავსდებიან ძირითადად ჩვენთან პატარები. ჩვენს კლინიკას ამ ეტაპზე ჰოსპიტალიზაციის პრობლემა ჯერჯერობით არ აქვს, ადგილები, რა თქმა უნდა, გვაქვს“ ,- განაცხადა თამარ არახამიამ.
თამარ არახამიას თქმით, ამ დრომდე იაშვილის კლინიკაში ინტენსიური თერაპიის საჭიროება არ გამხდარა და პაციენტები სტაციონალურ მკურნალობას ექვემდებარებიან.
„გართულებას რაც შეეხება, ძირითადად არის ხოლმე პნევმონიით, ანუ ფილტვების ანთებით, თუმცა ისეთი შემთხვევები, სადაც ინტენსიური თერაპიის საჭიროება გამხდარა, ჯერ-ჯერობით არ დაფიქსირებულა, რეანიმაციაში არ გადაგვიყვანია პაციენტები, ექვემდებარებიან სტაციონალურ მკურნალობას“ ,- აღნიშნა თამარ არახამიამ.
