ცოტნე გამსახურდიას ოჯახი თავდასხმაში მონაწილე ყველა პირის დაკავებას ითხოვს

  •  

ცოტნე გამსახურდიას მეუღლე დარწმუნებულია, რომ ინციდენტში მხოლოდ პატიმრობაში მყოფები არ მონაწილეობდნენ და მათი რიცხვი გაცილებით მეტია.

ოჯახი გამოძიების დასრულებას ელოდება და ყველა იმ პირის დაკავებას ითხოვს, ვინც პირველი პრეზიდენტის შვილის დაჭრაში მონაწილეობდა, მანამდე ოჯახის წევრები ვერსიებზე არ საუბრობენ, ბრალდებულებთან ცოტნე გამსახურდიას ნაცნობობას კი უარყოფენ.

კონკრეტულ დეტალებზე არ საუბრობს ცოტნე გამსახურდიას ადვოკატი, თუმცა რამდენიმე ვერსიას განიხილავს. დაზარალებულის ინტერესების დამცველი საქმეზე უფრო მეტი განმარტების გაკეთებას მას შემდეგ აპირებს, რაც გამსახურდიას მდგომარეობა გაუმჯობესდება და მას პირადად გაესაუბრება. 

ცოტნე გამსახურდია უკვე მეოთხე დღეა სამედიცინო დაწესებულებაშია. ამ ეტაპზე ექიმები ზედმეტი ქირურგიული ჩარევებისგან თავს იკავებენ და იმედოვნებენ, რომ პაციენტის მდგომარეობა მალე გაუმჯობესდება.

მსგავსი თემები