“მოსკოვში ბოდიში არ მომიხდია, გამოვხატე წუხილი იმაზე, რაც მოხდა ივნისის მოვლენების დროს” – ნინო ბურჯანაძე

მედიაცენტრი მთავარი
  

ნინო ბურჯანაძე აცხადებს, რომ კონსტანტინ ​კოსაჩოვთან შეხვედრაზე გავრილოვის ინციდენტის გამო ბოდიში არ მოუხდია და მხოლოდ წუხილი გამოთქვა.

ბურჯანაძის თქმით, წუხილის გამოხატა იმიტომ, რომ საქართველოს ხელისუფლებამ ვერ მოახერხა, ამ მოვლენას არ მოჰყოლოდა ახალგაზრდების აღშფოთება.

„ბოდიშზე არ არის ლაპარაკი, რადგან „ქართული ოცნების“ გაფუჭებულ საქმეებზე მე ბოდიშის მოხდას ნამდვილად არ ვაპირებ. გამვოხატე ნამდვილად წუხილი იმასთან დაკავშირებით, რაც მოხდა ივნისის მოვლენების დროს. როგორ შეიძლება არ წუხდა იმაზე, რაც ხდებოდა და რაც მოხდა, აბსოლუტურად „ქართული ოცნების“ სრული არაადეკვატურობისა და არაკომპეტენტურობის გამო. რაც შეეხება გავრილოვის ინციდენტს, ჩემი პარტია იყო ერთ-ერთი პირველი, რომელმაც გააკეთა განცხადება და გამოხატა პოზიცია, რომ მიუღებელი იყო გავრილოვის საქართველოს პარლამენტი თავმჯდომარის სავარძელში ჩასმა. „ქართული ოცნება“ რომ არაადეკვატურად იქცევა, ამის თქმა ერთმნიშვნელოვნად შემიძლია. წუხილის გამოხატვა შეეხებოდა იმას, რომ საქართველოს ხელისუფლებამ ვერ მოახერხა ეს მოვლენა არ ყოფილიყო ისე, რომ ამას არ მოჰყოლოდა სამართლიანი აღშფოთება ახალგაზრდების და საზოგადოების.  ერთმნიშვნელოვნად მიმაჩნია, რომ ახალგაზრდების რეაქცია სრულიად გასაგები იყო. ახალგაზრდების დამსახურება იყო პროპორციული არჩევნების მოპოვება“, – განაცხადა ნინო ბურჯანაძემ.

ცნობისთვის, რუსულ მედიაში გავრცელდა ინფორმაცია, რომ გავრილოვის ინციდენტის გამო ბურჯანაძემ კოსაჩოვთან ბოდიში მოიხადა.

https://mcm.ge/83%9c%e1%83%98%e1%83%9c%e1%83%9d-%e1%83%91%e1%83%a3%e1%83%a0%e1%83%af%e1%83%90%e1%83%9c%e1%83%90%e1%83%ab%e1%83%94%e1%83%9b-%e1%83%97%e1%83%91%e1%83%98%e1%83%9a%e1%83%98%e1%83%a1%e1%83%a8/

მსგავსი თემები