“ბიძინა ივანიშვილმა გულწრფელად, ღიად უპასუხა საზოგადოებაში დაგროვილ კითხვებს” – გიორგი გახარია

  •  

” ის მიზანი, რომელიც ჩვენ ბიძინა ივანიშვილის ინტერვიუში დავინახეთ, ჩემთვის აბსოლუტურად გასაგებია და ეს არის ის, რა მიმართულებითაც ვმუშაობთ “, – ამის შესახებ საქართველოს პრემიერ-მინისტრმა, გიორგი გახარიამ ბიძინა ივანიშვილის ინტერვიუს შეფასებისას განაცხადა.

მთავრობის მეთაურის შეფასებით, მისთვის ყველაზე მნიშვნელოვანი იყო ხაზგასმა იმისა, რამდენად რთულია დემოკრატიული ინსტიტუტებისა და პროცედურების სრული დაცვით ქვეყნის წარმატებულად მართვა.

„ეს ის გამოწვევა და ვალდებულებაა, რომელიც ჩვენ უნდა შევასრულოთ. მარტივია ქვეყნის მართვა, როდესაც შენს ხელთ არსებულ ინსტრუმენტებს იყენებ უკანონოდ, ძალადობრივად. რთულია ქვეყნის მართვა, როდესაც აბსოლუტურად დემოკრატიულ, თავისუფალ გარემოში, სადაც მედია სრულად თავისუფალია, გამოხატვის თავისუფლებას არაფერი ემუქრება, სადაც ისეთი დოზის დემოკრატია და გამოხატვის თავისუფლება გვაქვს, რომ ზოგიერთები პარლამენტის შტურმს, ბლოკირებას გამოხატვის თავისუფლებად აღიქვამენ. ეს იყო ჩემთვის ძირითადად გასაგები. ჩემთვის, რაც ყველაზე მნიშვნელოვანი იყო, ბიძინა ივანიშვილმა აბსოლუტურად გულწრფელად, ღიად უპასუხა საზოგადოებაში დაგროვილ კითხვებს “, – აღნიშნა პრემიერ-მინისტრმა, გიორგი გახარიამ.

მსგავსი თემები